Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i AAK-së, Ramush Haradinaj ka thënë se sot në Gllogjan dhe Kodrali të Deçanit nderuan heroizmin e Batalionit Gardist “Shkëlzen Haradinaj” dhe kujtuan sakrificën e 24 majit të vitit 1999.
Haradinaj, tha se ata ishin ndër luftëtarët më të dalluar të UÇK-së në Dukagjin, udhëhequr nga komandanti, Abdyl Mushkolaj, trimërinë e të cilëve thotë se e njohu në frontet e luftës.
“Ata ishin ndër djemtë më të zot të këtij kombi, që u bënë mburojë për vëllezërit e pushkës, të plagosur në beteja. Krenohemi me gardistët, me betejat, trimërinë dhe guximin e tyre. Kujtojmë gjithmonë të rënët, që me flijimin dhe vetëmohimin e tyre ndriçuan rrugën tonë drejt lirisë: Arton Mehmetaj, Fehmi Demiqi, Hajrush Demaj, Hysen Mehmeti, Islam Krasniqi, Liman Morina, Metë Krasniqi, Nuredin Gërvalla, Nazmi Gradina, Nimon Musaj, Naim Berisha, Përparim Ferizi, Sali Ferizi, Valiant Ferizi, Përparim Shala dhe Xhavit Islami”, ka shkruar Haradinaj në këtë ditë përkujtuese.
