Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i AAK-së, Ramush Haradinaj, ka deklaruar se gjatë fushatës elektorale qytetarët kanë shprehur shqetësime serioze për kolapsin energjetik, ngecjet në integrimet euro-atlantike – veçanërisht në NATO – rënien e investimeve kapitale, shtrenjtimin e jetesës, stagnimin e pagave dhe largimin masiv të të rinjve nga Kosova. Haradinaj theksoi se, ndonëse rezultati i zgjedhjeve zgjidh ngërçin institucional, ai nuk garanton zgjidhje për problemet jetike të qytetarëve, duke paralajmëruar dobësim të Kosovës në planin e brendshëm dhe ndërkombëtar. Megjithatë, ai nënvizoi se AAK do ta respektojë vullnetin e qytetarëve dhe do të reflektojë për proceset e brendshme, duke paralajmëruar ringritje përmes zgjedhjeve të brendshme në pranverë. Në fund, Haradinaj falënderoi votuesit, aktivistët e AAK-së dhe kandidatët e Listës 129 për angazhimin në një garë të vështirë, duke rikonfirmuar qëndrimin e tij: “Krah Teje Kosovë, pa asnjë kusht!”
