Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Me rastin e 28 shtatorit, Ditës së Dëshmorëve të Ushtrisë Çlirimtare të Kosovës, Komuna e Ferizajt ka organizuar një sërë aktivitetesh, në përkujtim të Betejës së Jezercit të 28 shtatorit të vitit 1998 dhe jetës e veprave e të dëshmorëve të Zonës së Neredimës. Drejtori i Kulturës, Rinisë dhe Sportit në Ferizaj, Naim Ferati, thotë se manifestimi do të përcillet me shumë aktivitete përkujtimore e tematike. “Ky organizim mbahet nën përkujdesjen e kryetarit të komunës, Muharrem Svarqa, i cili organizim këtë vit ka edhe aktivitete të veçanta, duke u bazuar nga aktivitetet e vitit të shkuar”, ka thënë Ferati, ndërsa ka shpalosur edhe agjendën për ditën e dëshmorëve. Në orën 9:00 në sallën e Kuvendit të Komunës u mbajt një seancë solemne, ndërsa nga prej orës 9:30 filloi defilimi nga sheshi ‘Adem Jashari’ në qendër të qytetit për në Varrezat e Dëshmorëve të UÇK-së. Në orën 10:00 janë mbajtur homazhet pran varreve të dëshmorëve, në orën 11:00 do të zbulohet edhe shtatorja e dëshmorit, Sadik Bega-“Murtaja”, tek rrethi i rrugës “Naim Beka”, në Ferizaj.
