Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Koha nuk i shlyen dot emrat e atyre që jetën e shndërruan në shërbim të idealit për liri, dinjitet dhe të vërtetë kombëtare. Sabajdin Cena dhe Ahmet Qeriqi mbeten dy figura të ndritura të historisë sonë të re, dy kolosë të penës dhe pushkës, që me mendje, fjalë dhe vepra u vunë në ballë të qëndresës shqiptare. Ata nuk ishin vetëm luftëtarë të pushkës, por edhe luftëtarë të mendimit. Pena e tyre u bë armë e fuqishme kundër harresës, padrejtësisë dhe shtrembërimit të së vërtetës. Me shkrimet, qëndrimet dhe veprimtarinë e tyre, ata i dhanë zë aspiratës së popullit për liri dhe drejtësi, duke ndriçuar rrugën e brezave që vijnë. Sabajdin Cena dhe Ahmet Qeriqi e dëshmuan se lufta për atdhe nuk bëhet vetëm në front, por edhe në fushën e dijes, të ndërgjegjes dhe të kulturës kombëtare. Ata jetuan me idealin e lirisë dhe u shndërruan në shembull të përkushtimit, guximit dhe përgjegjësisë intelektuale e kombëtare. Sot, duke i kujtuar me nderim dhe respekt, ne riafirmojmë zotimin për të mos e harruar sakrificën e tyre dhe për ta mbajtur gjallë frymën që ata mishëruan. Kujtimi për Sabajdin Cenën dhe Ahmet Qeriqin do të mbetet i pashlyeshëm, sepse vepra dhe fjala e tyre janë pjesë e historisë sonë dhe e ndërgjegjes kombëtare. Lavdi jetës dhe veprës së tyre!
