Respektimi i Kushtetutës është detyrë, përgjegjësi dhe nder për secilin prej nesh

09/04/2026 Institucionet

Kryetari i komunës së Rahovecit, z. Smajl Latifi me rastin e shënimit të Ditës së Kushtetutës ka shkruar në llogarinë e tij në Facebook, se 9 Prilli është dita kur kujtojmë se liria, të drejtat dhe barazia nuk janë vetëm fjalë në letër, por themeli mbi të cilin qëndron Republika jonë.

“Sot, më 9 prill, shënojmë Ditën e Kushtetutës, dokumentin më të lartë juridik të Republikës së Kosovës, themelin e shtetësisë sonë dhe garancinë e të drejtave dhe lirive të qytetarëve tanë.

9 Prilli është dita kur kujtojmë se liria, të drejtat dhe barazia nuk janë vetëm fjalë në letër, por themeli mbi të cilin qëndron Republika jonë. Në këtë ditë, uroj të gjithë qytetarët e Republikës së Kosovës!

Megjithatë, kohëve të fundit kemi parë raste kur Kushtetuta nuk është respektuar. Kjo nuk duhet dhe nuk guxon të bëhet normë. Është përgjegjësi e përbashkët të mos lejojmë veprime dhe sjellje në kundërshtim me kushtetutën dhe të kërkojmë me ngulm zbatimin e plotë të saj në çdo rrethanë.

Respektimi i Kushtetutës është detyrë, përgjegjësi dhe nder për secilin prej nesh.

Urime 9 Prilli – Dita e Kushtetutës së Republikës së Kosovës, ka shkruar kryetari i Rahovecit, z. Smajl Latifi.

Kontrolloni gjithashtu

Kryetari Ekrem Kastrati bëri homazhe në 27-vjetorin e rënies së dëshmorëve të kombit

Në shënim të 27-vjetorit të rënies heroike të dëshmorëve të kombit, Ibrahim Mazrreku, Kujtim Krasniqi, …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara