Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Kosovës, Hashim Thaçi dhe kryeministri i Shqipërisë, Edi Rama do të jenë në mesin e 22 burrështetasve të tjerë që sot në Ankara do të marrin pjesë në ceremoninë shtetërore të emërimit të Rexhep Tajip Erdoganit, në mandatin e tij të dytë për kryetar të Turqisë, ka bërë të ditur agjencia turke e lajmeve Anadolu. Në këtë ceremoni, do të marrin pjesë edhe zyrtarë të tjerë të lartë shtetesh, si kryetarë politikanë, zyrtarët të lartë të vendeve të rajonit dhe botës. Përveç kryetarit të Kosovës e kryeministrit të Shqipërisë përmenden edhe kryetarët e Bullgarisë, Gjeorgjisë, Moldavisë, Bosnjës e Hercegovinës,, Serbisë, Pakistanit, Kirgistanit, Sudanit, Guinesë, Zambisë, Guinea Bisaos, Guinesë Ekuatoriale, Somalisë, Mauritanisë, Gabonit, Çadit, Xhibutit, Venezuelës, Republikës Turke të Qipros si dhe Emiri i Katarit. Në ceremoni pritet të marrin pjesë edhe 28 kryeministra, kryetarë të kuvendeve e zyrtarë tjerë të shteteve të ndryshme përfshirë edhe sekretarin e përgjithshëm të OSBE-së dhe Komisarin e BE-së për Emigracion dhe Punë të Brendshme.
