Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
I njohur si qyteti i një mijë e një dritareve, Berati po bëhet qytet gjithnjë e më i vizituar nga turistët. Këtë vit, numri i turistëve që kanë vizituar këtë qytet, është rritur ndjeshëm. Drejtoresha e Turizmit dhe Aktiviteteve në bashkinë e Beratit, Silvi Merdani ka bërë të ditur se gjatë periudhës janar qershor të këtij viti, qyteti i Beratit është vizituar nga 300 mijë turist. “Gjatë këtij viti ka pasur një rritje të jashtëzakonshme të numrit të vizitorëve gati 50% më shumë se vitin e kaluar. Lagjja Mangalem, kalaja dhe lagjja Goricë janë tre nga sitet më të vizituara nga turistë vendas dhe të huaj në qytetin e Beratit.Por përveç këtyre turistët tregojnë interes edhe për Kanionet e Osumit, muzeun “Onufri”, objektet e kultit, kishat dhe xhamitë”, ka theksuar mes tjerash, drejtoresha e Turizmit dhe Aktiviteteve në bashkinë e Beratit, Silvi Merdani. Kalaja e Beratit është një nga atraksionet më piktoreske në zonë. Kjo kështjellë e epokës romake ulet sipër një kodre shkëmbore në bregun e majtë të lumit Osum me pamje nga qyteti i Beratit, njoftojnë mediet në Shqipëri.
