Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-komandanti i UÇK-së dhe veprimtari politik, Rrustem Mustafa, ka bërë thirrje për një reformim të thellë dhe modernizim të sistemit të drejtësisë në Kosovë, duke vlerësuar se sfidat aktuale të vendit kërkojnë maturi shtetërore dhe përgjigje serioze. Përmes një reagimi, Mustafa ka theksuar se edhe pas më shumë se dy dekadash nga fillimi i shtetndërtimit, një pjesë e gjyqësorit vazhdon të funksionojë nën ndikimin e mendësisë së të kaluarës. “Kjo nuk është drejtësi që i shërben zhvillimit, e as barazi e vërtetë para ligjit për qytetarët tanë,” ka deklaruar ai. Mustafa nënvizoi se Kosova ka nevojë urgjente për institucione funksionale që i përgjigjen kërkesave të shekullit XXI, duke u fokusuar në zhvillimin ekonomik dhe sigurinë juridike. Sipas tij, prioritete kyçe për sistemin e ri të drejtësisë duhet të jenë:
- Mbrojtja e aseteve kombëtare dhe garantimi i sigurisë ligjore për investitorët.
- Trajtimi i problemeve bashkëkohore me profesionalizëm dhe integritet të lartë.
- Shkëputja nga diskursi historik për t’iu përkushtuar ndërtimit të institucioneve me standarde moderne.
Në përmbyllje, ai potencoi se është koha të ndërtohen institucione normale, të cilat nuk mbeten peng i historisë, por që i shërbejnë të ardhmes dhe zhvillimit të shtetit.
