Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetja e Partisë Demokratike të Kosovës, Sala Jashari, ka reaguar ndaj deklaratave të nënkryetares së Kuvendit dhe ish-ministrave të qeverisë së kaluar, duke i cilësuar ato jo vetëm shokues, por edhe të absurd. “Kur ne theksojmë se ‘është shkelje kushtetuese’, ata e interpretojnë si mbështetje për Listën Serbe. Ky diskurs është i papranueshëm dhe dëmton imazhin e institucionit më të lartë ligjvënës të vendit”, tha Jashari. Ajo theksoi se PDK-ja që nga fillimi ka tentuar dhe vazhdon të përpiqet për mbrojtjen e integritetit të shtetit, i cili është ndërtuar me shumë sakrifica. “Prandaj kam një pyetje: Kur do të ndalen akuzat dhe shkeljet e hapura ndaj Kushtetutës, dhe kur do të mund të ecim përpara si legjislaturë?”, shtoi deputetja, duke nënvizuar nevojën për respektim të ligjit dhe funksionim normal të Kuvendit. Jashari theksoi se ruajtja e rendit kushtetues është thelbësore për stabilitetin politik dhe besimin e qytetarëve në institucionet e vendit.
