Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sindikata e Bashkuar e Arsimit, Shkencës dhe Kulturës ka tërhequr vërejtjen se ikja e nxënësve dhe mësimdhënësve nga Kosova është dukuri shqetësuese. Nënkryetarja e kësaj sindikate, Vjollca Shala ka theksuar se nëse ky trend vazhdon, shkollat në një të ardhme të afërt mund të mbesin pa kuadro profesionale. Ajo ka theksuar se mësimdhënës me përvojë të gjatë po largohen për shkak të kushteve të vështira të punës dhe gjendjes së rënduar sociale. “Si kërkesa, natyrisht përveç që është rritja e vlerës së koeficientit në Ligjin e Pagave që tani nuk është bërë qe dy vjet, edhe përkundër rritjes së inflacionit dhe rritjes enorme të çmimeve të produkteve elementare, natyrisht që si kërkesa të tjera janë edhe nënshkrimi i kontratës kolektive, që draftin e kontratës kolektive ne e kemi dorëzuar në Ministrinë e Arsimit që nga 2 tetori i vitit 2024” ka thënë mes tjerash, nënkryetarja e Sindikatës së Bashkuar të Arsimit, Shkencës dhe Kulturës, Vjollca Shala.
