Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sekretari i Përgjithshëm i NATO-s, Mark Rutte, ka siguruar se përkushtimi i Shteteve të Bashkuara të Amerikës ndaj aleancës dhe misionit të saj në Kosovë mbetet i palëkundur, duke theksuar se nuk ka ndryshime të mëdha në politikën amerikane në këtë drejtim. Rutte ka bërë këto komente në Sllovaki, ku u diskutua mundësia e rifillimit të konfliktit në Kosovë dhe spekulimet për një tërheqje të mundshme të trupave amerikane nga Kosova. Në përgjigje të këtyre spekulimeve, ai tha: Më lejoni të jem krejtësisht i qartë, administrata amerikane është plotësisht e përkushtuar ndaj NATO-s dhe angazhimeve të tanishme. Nuk kam arsye të besoj se do të ketë vendime dramatike. Ai theksoi gjithashtu se stabiliteti në Kosovë, Bosnje e Hercegovinë dhe Serbi është në interes të të gjithëve, duke nënvizuar rëndësinë e mbajtjes së rajonit të Ballkanit Perëndimor në fokus. Deklarata e z. Rutte u publikua pas spekulimeve në median gjermane, ku u raportua se Italia po përgatitet për një mundësi tërheqjeje të trupave amerikane nga Kosova.
