Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sekretari i Përgjithshëm i OKB-së, Antonio Guterres po qëndron për vizitë në Irak, për herë të parë pas 6 vitesh, raporton Anadolu. Ai u takua me ministrin e Jashtëm të Irakut, Fuad Hussein, në Bagdad. Ata pas takimit dhanë nga një deklaratë të shkurtër. Jam i lumtur që vizitoj Irakun. Jemi të bindur se irakianët do të tejkalojnë të gjitha sfidat politike dhe të sigurisë”, tha Guterres. Gjithashtu ai vlerësoi përpjekjet e bëra nga qeveria irakiane për të siguruar kthimin e irakianëve jashtë vendit. Krye-diplomati irakian, Fuad Hussein tha se “Marrëdhëniet tona me OKB-në janë të fuqishme. Me Sekretarin e Përgjithshëm të OKB-së do të kemi mundësi të vlerësojmë çështjet e brendshme si dhe ato rajonale dhe ndërkombëtare”. Guterres në kuadër të vizitës së tij në Irak pritet të takohet edhe me presidentin Abdul Latif Rashid, kryeministrin Muhammed Shia Al Sudani dhe zyrtarë të tjerë qeveritarë.
