Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i Vetëvendosje!, Rexhep Selimi konsideron se për ndalimin e Ramush Haradinajt në Francë përgjegjëse është edhe Qeveria e Kosovës. Ai ka thënë se po të dëshiron Qeveria mund ta kthejë Haradinajn që sot në Kosovë, duke e kushtëzuar Serbinë në tryezën e bisedimeve në Bruksel. “Është shumë e padrejtë që Serbia të ketë mundësi që t’i ndalojë me anë të Interpolit qytetarët e një shteti tjetër siç është Kosova. Përveç Serbisë e bëjmë përgjegjës edhe Qeverinë për gjithë këtë gjendje të krijuar në disfavor të Kosovës, e cila ka mundur dhe sot mund ta kthejë Haradinaj në shtëpi, nëse do ta kushtëzonte Serbinë në tryezën e bisedimeve në Bruksel”, ka thënë ai. Selimi ka thënë se mbajtja e Haradinajt në Francë është e padrejtë dhe e paarsyeshme, duke theksuar se padrejtësia ndaj UÇK-së po vazhdon të peshon mbi barrën e ish-kryeministrit. “Lëvizja Vetëvendosje e konsideron të padrejtë mbajtjen e zotit Haradinaj atje nga ana e Francës, ashtu siç është e padrejtë edhe kërkesa për arrestim ndërkombëtar nga ana e Interpolit serb në këtë rast. Prandaj padrejtësia ndaj UÇK-së po peshon mbi barrën e z. Haradinaj siç kishte peshuar dikur edhe kur ka qenë në Hagë, siç kishte peshuar dhe vazhdon të peshojë në çdo akuzë të padrejtë që i bëhet luftëtarëve të UÇK-së”, ka thënë deputeti Selimi.
