Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Këshillit Kombëtar Shqiptar në Luginën e Preshevës, Enkel Rexhepi, ka bërë të ditur se ndaj tij dhe Këshilli Kombëtar Shqiptar është iniciuar procedurë kundërvajtëse nga autoritetet serbe për shkak të vendosjes së flamurit shqiptar gjatë një aktiviteti përkujtimor. Sipas Rexhepit, masa lidhet me ceremoninë e organizuar në nderim të Jonuz Musliu, ku ishte vendosur flamuri shqiptar. Në reagimin e tij publik, ai ka theksuar se flamuri shqiptar nuk përbën provokim, por simbol identiteti dhe dinjiteti kombëtar, duke shtuar se përdorimi i tij në një aktivitet përkujtimor është i natyrshëm dhe legjitim. Rexhepi ka bërë të ditur se kjo është hera e tretë që thirret për çështje të ngjashme, ndërsa institucioni që ai drejton, sipas tij, përballet për herë të dymbëdhjetë me procedura lidhur me përdorimin e flamurit shqiptar. Ai ka paralajmëruar se Këshilli Kombëtar Shqiptar do të vazhdojë mbrojtjen e të drejtës për përdorimin e simboleve kombëtare. Rasti pritet të ngjallë reagime të reja lidhur me të drejtat e shqiptarëve në Lugina e Preshevës dhe përdorimin e simboleve kombëtare në këtë rajon.
