Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Partisë Demokratike të Kosovës, Bedri Hamza, ka reaguar ndaj zhvillimeve rreth procesit të zgjedhjes së Presidentit të Republikës së Kosovës, duke akuzuar pushtetin për, siç tha ai, veprime që bien ndesh me Kushtetutën dhe rrezikojnë stabilitetin institucional të vendit. Në një reagim publik, Hamza ka deklaruar se përpjekjet për zgjedhjen e Presidentit në mënyrë të njëanshme dhe pa respektuar procedurat kushtetuese përbëjnë shkelje serioze dhe cenim të rendit demokratik. Ai ka theksuar se Partia Demokratike e Kosovës do të qëndrojë në mbrojtje të Kushtetutës dhe institucioneve shtetërore, duke kundërshtuar çdo tentativë për, siç u shpreh, shpërfillje të vullnetit qytetar dhe procedurave ligjore. Sipas Hamzës, veprimet e tilla mund ta çojnë vendin drejt një situate të paqëndrueshmërisë politike, të cilën ai e përshkroi si rrezik për funksionimin e shtetit të ri. Ai u ka bërë thirrje qytetarëve që të jenë të vëmendshëm ndaj zhvillimeve aktuale dhe të mos lejojnë, sipas tij, cenimin e themeleve kushtetuese të vendit.
