Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sipas Ambasadës, pengimi i certifikimit cenon të drejtat demokratike të qytetarëve serbë të Kosovës dhe rrezikon stabilitetin e vendit. “Veprime të tilla dëmtojnë stabilitetin e Kosovës dhe interesat e SHBA-së, duke përfshirë rifillimin e dialogut tonë strategjik”, thuhet në reagim, një paralajmërim i qartë se vendimi ka pasoja më të gjera politike. KQZ-ja nuk arriti të sigurojë votat e nevojshme për certifikimin e Listës Serbe, duke prodhuar një rezultat të pazakontë: 2 vota për, 2 kundër dhe 7 abstenime. Dy votat kundër erdhën nga përfaqësuesit e Vetëvendosjes, Sami Kurteshi dhe Alban Krasniqi, të cilët akuzuan hapur Listën Serbe se “punon kundër interesave të Kosovës”. Reagimet ndërkombëtare ishin të menjëhershme dhe të forta. OSBE u deklarua “thellësisht e shqetësuar”, duke akuzuar KQZ-në për polarizim politik dhe për veprime të udhëhequra nga interesa partiake, jo nga kritere ligjore. Serbia po ashtu e cilësoi vendimin “plotësisht të papranueshëm”, me ministrin serb të jashtëm Marko Gjuriq që foli për “mungesë të kapaciteteve demokratike” në Kosovë. Lista Serbe mund të ankimojë vendimin në PZAP, i cili edhe më herët kishte rrëzuar dy mos-certifikime të KQZ-së në zgjedhjet e fundit parlamentare dhe lokale – duke hapur rrugën për dominimin e kësaj partie në komunat me shumicë serbe dhe ulëset e garantuara. Reagimi i SHBA-së shënon një sinjal të fortë: tensionet rreth pjesëmarrjes së serbëve në zgjedhje po kthehen në çështje qendrore në raportet Washington–Prishtinë, duke rritur presionin ndaj institucioneve kosovare në një moment të ndjeshëm politik.
