Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Shtetet e Bashkuara po kërkojnë që Evropa të marrë përgjegjësinë kryesore për kapacitetet konvencionale të mbrojtjes së NATO-s deri në vitin 2027 nga inteligjenca, tek mbrojtja raketore një mesazh i përcjellë qartë nga zyrtarët e Pentagonit gjatë një takimi me delegacione evropiane në Washington, raportoi Reuters. Sipas burimeve, administrata amerikane ka vlerësuar se përparimi i Evropës, pas pushtimit të zgjeruar rus në Ukrainë që nga viti 2022, mbetet nën nivelin e pritjeve. Për këtë arsye, Washingtoni ka paralajmëruar se nëse afati i vitit 2027 nuk përmbushet, SHBA mund të tërhiqet nga disa prej mekanizmave të koordinimit të mbrojtjes brenda NATO-s, një lëvizje që do të ndryshonte rrënjësisht arkitekturën e sigurisë euroatlantike. Zyrtarët amerikanë kanë shprehur shqetësim se aleatët evropianë nuk po ecin me ritmin e nevojshëm për të shtrirë kapacitetet e tyre të mbrojtjes, ndërsa paralajmërimi i Pentagonit ka krijuar debat edhe në Kapitol Hill, ku disa ligjvënës janë informuar për këtë qasje dhe e shohin atë me shqetësim. Ky sinjal i qartë nga Washingtoni vjen në një moment kritik për sigurinë evropiane, në kohën kur lufta në Ukrainë vazhdon, fondet për Kievin po shterojnë dhe arsyetimi strategjik brenda BE-së po kërkon urgjencë të re.
