Shënohet dita e shkollës “Astrit Bytyqi”

15/04/2016 Institucionet

Të premten është shënuar ditëlindja e dëshmorit “Astrit Bytyqi” njëherësh edhe dita e shkollës  që mban emrin e këtij dëshmori.

Për të marr pjesë në këtë aktivitete ishte edhe kryetari i Ferizajt, Muharrem Svarqa së bashku me bashkëpunëtorët e tij. Svarqa në këtë ceremoni theksoi se emri i Astrit Bytyçit na kujton flijimet e panumërta që janë bërë për lirinë dhe pavarësinë e Kosovës.

“Ky emër na kujton krijuesin e ri letrar, i cili kishte shprehje të artikuluar poetike dhe synonte të ngritej në intelektual e krijues me vlera elitiste. Na kujton të riun e dhënë pas sportit e kulturës, që barte me vete gjithë peshën e rëndë të kohës kur e jetoi jetën e tij të shkurtër. Prandaj, ju nxënës, arsimtarë, prindër e qytetarët, ashtu si edhe ne të gjithë, duhet të mburremi në vazhdimësi me emrin e Astrit Bytyçit, me veprën e tij, e mbi të gjitha me flijimin e tij”, ka thënë kryetari Svarqa.

Të pranishmit në këtë aktivitet i ka përshëndetur edhe drejtori i shkollës “Astrit Bytyqi” Shaqir Govori, ndërkaq në emër të familjes ka folur Gafurr Bytyqi, babai i dëshmorit si dhe kryetar i Shoqatës së Familjeve të Dëshmorëve në Ferizaj.

Një historik të shkurtër për jetën dhe veprën e dëshmorit e lexoi  Lulzim Hoxha.

Më këtë rast u shfaq edhe një program i pasur kulturo-artistik.

Kontrolloni gjithashtu

Kryetari Latifi nënshkroi kontratat me tre praktikantë nga skema praktike në punë

Sot, kryetari i komunës së Rahovecit z. Smajl Latifi nënshkroi kontratat me tre praktikantë nga …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara