Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Prefekti i Tiranës, Shkëlqim Hajdari, ka deklaruar se ish-udhëheqësit e Ushtria Çlirimtare e Kosovës po mbahen padrejtësisht në paraburgim në Dhomat e Specializuara të Kosovës, duke vlerësuar se ndaj tyre nuk ka prova bindëse për akuzat e ngritura nga Prokuroria Speciale. Komentet e tij u bënë gjatë një takimi të zhvilluar të mërkurën në Organizata e Veteranëve të Luftës së UÇK-së, ku Hajdari u nderua me mirënjohje për mbështetjen ndaj kategorive të dala nga lufta dhe ish-krerëve të UÇK-së. Sipas Hajdarit, procesi gjyqësor ndaj ish-udhëheqësve të UÇK-së nuk përmban elemente të drejtësisë evropiane dhe, sipas tij, është ndërtuar mbi akuza të pambështetura. “Presidenti Hashim Thaçi dhe tre bashkëluftëtarët e tij janë pjesë e një kombinacioni të padrejtë që nuk ka asnjë element të drejtësisë evropiane dhe nuk ka prova bindëse për akuzat e rënda të ngritura ndaj tyre”, ka deklaruar Hajdari. Ai tha se qëndrimi gjashtëvjeçar i ish-krerëve të UÇK-së në Hagë ka dëshmuar, sipas tij, mungesën e provave dhe forcën e qëndresës së tyre përballë procesit gjyqësor. “Dhjetë milionë shqiptarë presin drejtësi për çlirimtarët. Kurrë nuk mund të barazohet viktima me agresorin”, tha Hajdari. “Është obligim i çdo qeverie që heronjtë dhe veteranët që sollën lirinë e Kosovës të mbështeten në të gjitha mënyrat”, u shpreh Hajdari.
