Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kosova ka pak mundësi për t’u anëtarësuar në Këshillin e Evropës gjatë këtij viti, pasi kërkohet që draft statuti për Asociacionin e Komunave me Shumicë Serbe, i propozuar nga Bashkimi Evropian, të dërgohet për shqyrtim në Gjykatën Kushtetuese. Ky hap, i cili është bërë kusht nga disa shtete kryesore të Bashkimit Evropian, ende nuk është ndërmarrë nga institucionet kosovare, ka thënë Ambasada e Gjermanisë në Kosovë. Nëse Kosova ndërmerr hapat e nevojshëm përpara mbledhjes së Komitetit të Ministrave të KiE-së më 13 maj 2025, mund të ndodhë një ndryshim në agjendën e mbledhjes për të përfshirë votimin për anëtarësimin e Kosovës, sipas deklaratave të autoriteteve gjermane. Kosova e mori mbështetjen e nevojshme në Asamblenë Parlamentare të KiE-së në vitin 2024, por nuk e kaloi fazën finale për shkak të mungesës së përfshirjes në agjendën e Komitetit të Ministrave, që është trup vendimmarrës për anëtarësimin e shteteve.
