Ministri i Tregtisë dhe Industrisë, Endrit Shala thotë se nuk ka arsye për rritje të çmimit të bukës në Kosovë

Shtatëmbëdhjetë furra mbyllen në Vushtrri pasi që në marketet e këtij qyteti është duke u shitur buka 15 centë

Shtatëmbëdhjetë furrtarë të Vushtrrisë janë ankuar të kryetari Bajram Mulaku për çmimin e ulët të bukës që shitet nëpër markete, i cili i dëmton ata ekonomikisht. Ata kanë shprehur edhe dyshimin në cilësinë e bukës që shitet nëpër markete. Njëra prej furrave që ndodhet në sheshin “Adem Jashari” është plaçkitur të mërkurën gjatë natës, shkruan sot, gazeta Zeri. Vetëm pak ditë më herët furrtarët e Vushtrrisë kishin paralajmëruar ngritjen e çmimit të bukës me arsyetimin se çmimi i miellit në treg është rritur. Por, gjithçka ka shkuar huq pasi që në marketet e Vushtrrisë ka filluar të shitet buka me çmim shumë më të ulët se që është çmimi i bukës nëpër furra, vetëm 15 centë.

Duke u përballur me këtë problem furrtarët vushtrrias kanë takuar kryetarin e Vushtrrisë, Bajram Mulaku dhe drejtorin e Inspeksioneve, Betim Kollari, të cilët kanë biseduar për hallin që mund t’u kushtojë edhe me mbylljen e furrave të tyre. Në fakt këtë mundësi e kanë paralajmëruar vetë furrtarët gjatë takimit me Mulakun dhe Kollarin në rast se Komuna nuk ndërmerr masa për t’i harmonizuar çmimet e bukës në komunën e Vushtrrisë. Furrtarët vushtrrias shprehën shqetësimin e tyre për sjelljen e bukës nëpër supermarketet e Vushtrrisë nga furra të ndryshme, të cilat, sipas tyre, ofrojnë bukë me çmim më të lirë se furrat vendase, duke i dëmtuar ato ekonomikisht.

Kontrolloni gjithashtu

Olivier Guerot: Themelet e dialogut Kosovë-Serbi mbeten të pandryshuara, Asociacioni prioritet për Kosovën

Ambasadori i Francës në Kosovë, Olivier Guerot, ka theksuar se themelet e dialogut ndërmjet Kosovës …