Me shumicë votash është miratuar Projekt-buxheti i Deçanit për vitin 2018

28/09/2017 Institucionet

Udhëhequr nga kryesuesi i Asamblesë Jashar Dobraj , është mbajte seancë e VIII-të e rregullt e Asamblesë Komunale në Deçan. Për këtë takim ishte propozuar ky rend pune:

– Shqyrtimi dhe miratimi i procesverbalit nga mbledhja e kaluar,

– Shqyrtimi  dhe miratimi i projekt-buxhetit për vitin 2018,

– Shqyrtimi i rivlerësimi dhe marrja e Vendimit për këmbimin e pronës Komunale-ngastra 429 me pronën private si dhe,

– Të ndryshme.

Pas miratimit të procesverbalit nga mbledhja e kaluar të gjitha grupet parlamentare AAK, LDK dhe PDK, kanë propozuar që të hiqet nga rendi i ditës pika e tretë lidhur më Shqyrtimin e rivlerësimit dhe marrjes se Vendimit për këmbimin e pronës Komunale-ngastra 429 me pronën private dhe pasi kryesuesi Jashar Dobraj e hodhi në votim është votuar unanimisht. Kjo seancë është vazhduar më piken e dytë të rendit të ditës lidhur me Shqyrtimin dhe miratimi i projekt-buxhetit për vitin 2018. Pasi Drejtoresha për Buxhet dhe Financa Syzana Mustafaj dha sqarimet e duhura lidhur më projekt kodet e ndara për buxhetin e komunës së Deçanit për vitin 2018 dhe u diskutuan nga pothuajse pjesa më e madhe e Asamblistëve lidhur me ndarjen Buxhetore dhe planifikimet për vitin 2018, para se të hidhet në votim nga kodi i infrastrukturës rrugore është propozuar që të mirën 20 mijë € dhe të destinohen në turizëm, propozim ky i Bilall Hdergjonaj nga AAK. Ky propozim është përkrahur nga asamblistët. Më shumicë votash edhe kjo pikë e rendit të ditës është aprovuar. Ndryshe kjo mbledhje e Asamblesë Komunale ishte e parafundit për këtë përbërje tha kryesuesi i Asamblesë Komunale Jashar Dobraj.

Kontrolloni gjithashtu

1 maj 1990 – Kuvendi i Pajtimit te “Verrat e Llukës”

34 vite më parë, me 1 maj 1990 u mbajt Kuvendi Gjithëkombëtar i Pajtimit të …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara