Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Rrjedhën e këtij tranzicioni, pra të tashmen në Shqipëri dhe në Kosovë e kanë në dorë dhe po e sundojnë të pamerituarit, zullumqarët, grabitësit e hajdutët, e kanë nën sundim Ali Babët dhe Lupenët hajdutë thesarësh e bankash , hajdut parash publike dhe grabitës pasurish e pronash; e kanë sundimin e pushtetin në dorë Al Kaponet e krimit e korrupsionit dhe Eskobarët e drogës dhe gjithfarë kontrabandistësh e trafikantësh.
Dhe jo vetëm këta dhe me kaq, por këta kanë përvetësuar edhe moralin, edhe patriotizmin, kanë rrëmbyer atributet, kompetencat dhe virtytet e krenarinë kombëtare duke matrapazuar dhe spekuluar rëndë edhe me to.
E morën dhe e sundojnë Shqipërinë dhe shoqërinë ata që e bllokojnë, turbullojnë dhe e pengojnë rrjedhën normale të emancipimit patriotik, civil, demokratik , që e pengojnë emancipimin e mirëqënies dhe të integrimit; e sundojnë të tashmen ata të cilët e privuan lirine e vërtetë për talentin, për dhuntinë, për aftësinë, profesionalizmin dhe intelektualizmin real e modern.
E morën dhe e drejtiojnë të tashmen ata të cilët të cilët nuk kanë sensin e humanitetit , as të ndjesisë shoqërore dhe as të patriotizmit; ata të cilët bëjnë “falje”, shitje dhe tradhëti edhe me detin e me trojet shqiptare.
E sundojnë akoma të tashmen ata të cilët i dhanë vetes së tyre lirinë dhe të drejtën për të bërë gjithcka e për të mos dhënë llogari për asgjë dhe para askujt, as para shtetit, as para ligjit , as para popullit dhe as para demokracisë së tij.
E sundojnë shtetin dhe shoqërinë shqiptare ata të cilët i dhanë lirinë dhe mbrojtjen egoizmit, të keqes, krimit, vetëgjyqësisë, dekadencës, korrupsionit, drogës dhe që ia imponuan shqiptarëve dëbimin dhe largimin nga atdheu.
Të tashmen e sundojnë ata të cilët u bënë materialistë të pa fe dhe kanibalë politik të pangopur e të pafre.
