Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sokol Gjoka, ish-ambasador i Shqipërisë në Moskë dhe në Ukrainë, ka komentuar takimin e pritshëm mes presidentit rus Vladimir Putin dhe atij serb Aleksandar Vuçiq në Moskë, duke theksuar se ky takim mund të shërbejë si një hap për forcimin e një plani kundër Kosovës. Gjoka theksoi se marrëdhëniet e ngushta mes Serbisë dhe Rusisë janë të konsoliduara dhe se mbështetja e Rusisë ka qenë kyçe për politikën e Serbisë në Ballkan, veçanërisht ndaj Kosovës. Në një intervistë për Euronews Albania, Gjoka shpjegoi se Serbia ka përfituar shumë nga mbështetja e Kremlinit dhe se këto marrëdhënie janë një element kyç për qëndrimet e Serbisë ndaj Kosovës. Ai gjithashtu përmendi se një tjetër problematikë e rajonit është Bosnja dhe Hercegovina, ku politikat separatiste të Republikës Srpska, të udhëhequra nga ish-presidenti Dodik, përçohet nga Rusia dhe Kisha Ortodokse Ruse, e cila ka një ndikim të rëndësishëm në ruajtjen e lidhjeve mes Serbisë dhe Kremlinit. Ai parashikoi se, shumë shpejt, do të hapet edhe çështja e marrëdhënieve mes Serbisë dhe Kosovës, ku Serbia do të kërkojë ndihmën e Kremlinit për të vazhduar politikën e saj kundër Kosovës.
