Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot në Bujanoc u mbajt protesta gjithë-popullore e shqiptarëve të Kosovës Lindore. Në Sheshin Skënderbeu, emërtim të cilin nuk e pranon Qeveria e Serbisë, në mënyrë të qetë kanë protestuar qindra shqiptarë, ku ishin të pranishme edhe forcat policore. Para të pranishmëve me një fjalë rasti është paraqitur deputeti shqiptar në Kuvendin e Shqipërisë, Shaip Kamberi, i cili e akuzoi Qeverinë serbe për mohimin e të drejtave të pakicës shqiptare, duke thënë se ajo nuk dëshiron integrimin e tyre në organet shtetërore në mënyrë të drejtë dhe të barabartë. Përveç drejtuesve të Këshillit Kombëtar Shqiptar, në mbështetje ishte edhe kryetarja e Komunës së Preshevës, Ardita Sinani, e cila ka shkruar se po ngrisin zërin për të drejtat e mohuara. Ndërkohë, ditë më parë, kryetari i Këshillit Kombëtar Shqiptar, Nevzad Lutfiu, ka theksuar se protesta në Bujanoc është e orientuar kundër Qeverisë së Serbisë dhe diskriminimit që po iu bëhet në vazhdimësi dhe i cili po shkon duke u thelluar.
