Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot, në fshatin Penuhë të Besianës, u shënua përvjetori i rënies së dëshmorëve, ku me këtë rast u bë edhe perurimi i Spitalit Ushtarak, që kishte shëruar e mjekuar qindra te plagosur gjatë luftës në këtë zonë. Në një prononcim për TV-Dielli, doktor Skënder Murati tregoi për kushtet në të cilat ka punuar spitali, vendi ku janë mjekuar qindra të plagosur civilë dhe ushtarakë, duke përmendur edhe njërin ndër intervenimet më të rënda të asaj kohe sikur ishte heqja e shpretkës të një luftëtari, i cili jeton edhe sot.
Në Spitalin Muze, janë ekspozuar fotografi me të plagosur, si dhe pjesë nga materiali teknik dhe ambulantor që është përdorur në spitalin ushtarak gjatë kohës së luftës.
Ndërtimin e këtij Spitali Muze e ka bërë AMKMK. Për të kujtuar këtë ditë me rëndësi të vlerave historike të luftës ishin të pranishëm: Dr. Skënder Murati, Dr. Sami Shatrolli fiziatër, Faruk Bulliqi, fiziatër Fitnete Seta, pastaj, Merita Paçarada, Faik Berisha dhe Hajdin Zhegrova.
