Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Sot mbahet manifestimi në FSK në përkujtim dhe nderim të Epopesë së UÇK-së, rënies së Komandantit Legjendar Adem Jashari, Familjes Jashari dhe të gjithë dëshmorëve të kombit. Manifestimin qendror në kuadër të aktiviteteve për shënimin e 18 vjetorit të “Epopesë të Ushtrisë Çlirimtare të Kosovës’’, mbahet sot (më 5 mars 2016), duke filluar në orën 11:00, në Kazermën e FSK-së ,,Adem Jashari’’ në Prishtinë. Në manifestim do të marrin pjesë, kryetarja Jahjaga, kryekuvendari, Veseli, kryeministri Mustafa, ministri Haki Demolli, Komandanti i FSK-së, gjenerallejtënant Rrahman Rama, përfaqësuesi i Familjes Jashari si dhe personalitete tjera të larta të institucioneve të vendit, klerit, partive politike, Shoqatave të dala nga lufta e UÇK-së, familje të dëshmorëve, invalidë e veteranë të luftës së UÇK-së, institucioneve arsimore, kulturore, shoqërisë civile si dhe mysafirë tjerë të ftuar. Në manifestim do të flasin kryeministri Mustafa, Komandanti i FSK-së, gjenerallejtënant Rrahman Rama si dhe përfaqësuesi i familjes Jashari. Kuadratet e njësive të Forcës së Sigurisë së Kosovë do të jenë të rreshtuara gjatë gjithë Manifestimit. Më 6 mars 2016, në orën 10:00, Ministri Haki Demolli dhe Komandanti i FSK-së, gjenerallejtënant Rrahman Rama së bashku me delegacionin e Ministrisë për FSK dhe të FSK-së do të bëjnë homazhe në Kompleksin memorial “Adem Jashari’’, në Prekaz. (FSK-R.Z.)
