mbpzhr 2018
Airport Adem Jashari
kek
MIT
Fillimi / Lajmet / Sot në moshën 69-vjeçare ka vdekur, Zeqir Vehbi Shamolli, nga fshati Shalë, ish-Sedllar i Drenicës
Sot në moshën 69-vjeçare ka vdekur, Zeqir Vehbi Shamolli, nga fshati Shalë, ish-Sedllar i Drenicës

Sot në moshën 69-vjeçare ka vdekur, Zeqir Vehbi Shamolli, nga fshati Shalë, ish-Sedllar i Drenicës

Në moshën 69-vjeçare ka vdekur, Zeqir Vehbi Shamolli nga fshati Shalë, ish-Sedllar i Drenicës, me vendbanim në Ferizaj. Ceremonia e varrimit fillon nesër më 18 gusht 2019,  në orën 11.00, me ç’ rast arkivoli me trupin e tij  niset nga Ferizaj në drejtim të vendlindjes së tij.  Varrimi bëhet në varrezat e fshatit në Shalë, në orën 13.00.

 

Më 17 gusht 2019, në moshën 69-vjeçare është ndarë nga jeta, Zeqir Vehbi Shamolli nga fshati Shalë, ish-Sedllar i Drenicës, me vendbanim, në Ferizaj.

Ai u lind më 1 qershor të vitit 1950 në një familje fshatare, por   arsimdashëse. Babai Vehbiu e donte arsimin,  dhe bijve e bijave u kishte krijuar kushte për t’u arsimuar.

Zeqiri, shkollën fillore, me sukses meritor e kreu në vendlindjen e tij, në Shalë, ndërsa të mesmen, “shkollën Normale”, e mbaroi në Ferizaj. Pasi kishte treguar rezultate në mësime  gjatë shkollës  së mesme, ai përnjëherë u regjistrua në Fakultetin e Shkencave të Natyrës, në degën e Biologjisë, në Prishtinë, të cilën e kishte kryer me sukses meritor.

Pas mbarimit të studimeve një kohë ka punuar mësimdhënës, në Lypjan dhe në Ferizaj. Në vitet  80-të familja Shamolli ishte nën vëzhgim të regjimit jugosllav, ndërkohë, organet e ndjekjes  kishin  arrestuar, më pas edhe e kishin dënuar katër vjet burg  vëllanë e tij, Ismetin, me akuzë për veprimtari kundër regjimit të ish Republikës, Socialiste Federative të Jugosllavisë.

Zeqir Shamolli,  në gjysmën e dytë të viteve shtatëdhjetë, ishte emëruar drejtor në Fabrikën Minex, në Ferizaj, ku ka punuar deri në vitin 1990, kur  regjimi okupator serb kishte aplikuar masat e dhunshme administrative, me qëllim që t’i detyronte shqiptarët ta pranonin regjimin e Milosheviqit, i cili kishte suspenduar edhe autonominë e Kosovës.

Pas largimit nga puna dhe gjendjes së rëndë që ishte krijuar në Kosovë, Zeqir Shamolli shkon në Shqipëri ku fillon të merret me biznes për të siguruar familjen e gjerë.

Në vitet e fillimit të luftës së Ushtrisë Çlirimtare të Kosovës, ai ishte në kontakt me disa nga organizatorët në Tiranë dhe së bashkë me vëllanë e tij, Ismetin e të tjerë kishin ndihmuar financiarisht luftën e UÇK-së.

Gjatë luftës, në mbrëmjen e 28 gushtit  të vitit 1998, derisa ndodhej në mesin e popullatës dhe të familjes së tij, në mesin e të  zhvendosurve, në Grykën e Shalës nga shpërthimi i raketave të ushtrisë serbe mbi popullatën civile, kishte vdekur nga sulmi në zemër babai i tij,  Vehbi  Shamolli një burrë bujar arsim dhe atdhedashës.

Pas Luftës  Zeqir dhe Ismet Shamolli kanë ndihmuar edhe Radion Kosova e lirë, por ashtu edhe veteranët e invalidët e luftës.

Duke qenë se gjatë kohës sa kishte punuar  në Shqipëri, ku edhe  kishte krijuar  një përvojë në ngritjen e bizneseve, në vitet e para të pas luftës ishte angazhuar në ndërtimin e kapaciteteve ekonomike e financiare me qëllim për të ndihmuar edhe rimëkëmbjen ekonomike dhe shtet-ndërtimin e  Kosovës.  Për shkak të konkurrencës jo lojale dhe  deformimit të sistemit nga grupe dhe klane të interesit, Zeqiri me vëllezër ishte kufizuar kryesisht në biznesin e familjes dhe kishte themeluar  kompaninë e ndërtimit të rrugëve ” Eurokos “. Një kohë kishte kryer punë me përgjegjësi në Shqipëri dhe në Kosovë.

Në kohët e fundit është marrë me ndërtimin e hidrocentraleve të vogla në Vermicë dhe në Lepenc.

Zeqir Shamolli  ka qenë humanist, solidar, i përmbajtur, shumë i dashur dhe i respektuar jo vetëm për familjen e të afërmit, por me të gjithë ata që ka punuar e vepruar, gjatë tërë jetës së tij, deri në ditën e djeshme kur u nda nga jeta, në moshën 69-vjeçare.

Atë e përkujtojnë me mall dhe nuk e harrojnë, bashkëshortja, Jalldëzi, bijtë: Ylli e Ylberi, Bija, Yllka, vëllezërit, Muhameti, Ademi, Ismeti, motrat Zymryti dhe Hasimja, nipat e mbesat, familja e gjerë Shamolli nga Shala, bashkëvendësit, miqtë e bashkëpunëtorët dhe të gjithë ata që e kanë njohur dhe ndiejnë dhembje për ndarjen e tij nga jeta.

Qoftë i paharrueshëm kujtimi për jetën dhe veprën e Zeqir Vehbi Shamollit. (A.Q.)

Kontrolloni gjithashtu

Lulzim Shoshi kërkon nga veteranët e UÇK-së të komunës së Burimit që ta mbështesin fuqishëm PDK-në më 6 tetor

Lulzim Shoshi kërkon nga veteranët e UÇK-së të komunës së Burimit që ta mbështesin fuqishëm PDK-në më 6 tetor

Kandidati i PDK-së për deputet, Lulzim Shoshi, ka takuar veteranët e Ushtrisë Çlirimtare të Kosovës ...