Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot para trupit gjykues të Gjykatës Speciale, në Hagë, po mbahet seanca gjyqësor kundër krerëve të luftës së UÇK-së, Hashim Thaçi, Kadri Veseli, Rexhep Selimi dhe Jakup Krasniqi. Gjykimi ka filluar në një seancë të mbyllur ku po dëgjohet dëshmitari i katërt në gjykimin ndaj ish-krerëve të Ushtrisë Çlirimtare të Kosovës. Para se të fillojë dëgjimi i dëshmitarit të mbrojtur para trupit gjykues, prokurori ka kërkuar që seanca të vijojë në sesion privat. Në sallën e gjyqit, janë të pranishëm katër krerët e UÇK-së. Mbrojtja e ish-presidentit Thaçi, Gregory Kehoe ka thënë se do të prezantojë një mocion për seancën private. Për muajin maj janë paraparë të zhvillohen dhjetë seanca. Kohë më parë, Paneli i Gjykatës së Apelit ka rrëzuar apelet e 20 personave për të marrë pjesë në këtë proces si viktima. Ata kishin apeluar vendimin e trupit gjykues ku refuzohej kërkesa e tyre për pjesëmarrje në çështjen gjyqësore Thaçi dhe të tjerët. Gjykimi ndaj ish-krerëve të UÇK-së ka nisur më 3 prill me deklaratat hyrëse të palëve. Ata janë deklaruar të pafajshëm për akuzat lidhur me për krime të pretenduara. Krerët e UÇK-së: Hashim Thaçi, Kadri Veseli, Jakup Krasniqi dhe Rexhep Selimit ndodhen në qendrën e paraburgimit në Hagë, prej nëntorit të vitit 2020.
