Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Aktgjykimi i plotë i Gjykatës Kushtetuese rreth rastit Etem Arifi pritet të publikohet të mërkurën, duke i hapur rrugë shpërndarjes së Kuvendit të Kosovës dhe shpalljes së datës së zgjedhjeve. Media ka marrë vesh prej burimeve të sigurta se aktgjykimi i plotë është i gatshëm, dhe të mërkurën se duhej të publikohet i plotë në faqen zyrtare të Gjykatës Kushtetuese, dhe t’u dorëzohet palëve. Me publikimin e aktgjykimit të plotë, kryetarja në detyrë, Vjosa Osmani, do të obligohet ta shpërndajë Kuvendin e Kosovës dhe t’i shpallë zgjedhjet e parakohshme. Sipas dispozitave kushtetuese, zgjedhjet duhet të mbahen jo më larg se 40 ditë nga shpallja e tyre, që e ngushton mundësinë e mbajtjes së tyre në dy data 7 apo 14 shkurt 2021.
