Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sektori për Çështje të Kategorive të Dala nga Lufta e UÇK-së, sektor ky që funksionon në kuadër të kabinetit të kryetarit të Kryeqytetit, Përparim Rama, që nga themelimi, gjegjësisht që nga fillimi i mandatit, pra po bëhen katër vite, ka punuar me shumë përkushtim dhe përgjegjësi në realizimin e detyrave dhe objektivave.
E në krejt këtë angazhim, fokusi ka qenë promovimi, përfaqësimi,përmirësimi i mirëqenies dhe trajtimi i drejtë i familjeve të dëshmorëve, invalidëve, veteranëve të luftës së UÇK-së, pra realizimin e projekteve dhe të drejtave ligjore të tyre.
Këto projekte dhe të drejta ligjore të kategorive në fjalë nuk do të mund të realizoheshin pa vullnetin, angazhimin dhe përkushtimin e pakursyer të kryetarit Rama.
Krejt këto punë janë motiv që të vazhdojmë edhe më tutje t’i shërbejmë kategorive që kanë dhënë kontribut të madh për lirinë e vendit tonë të cilën po e gëzojmë të gjithë.
Më poshtë mund t’i shihni projektet dhe vendimet që janë realizuar:
1.Themelimi i Sektorit për Çështje të Kategorive të Dala nga Lufta e UÇK-së në kuadër të kabinetit të kryetarit të Komunës së Prishtinës.
2. Ndarja e mjeteve në vlerë prej 60,000 euro, subvencion për Organizatën, shoqatat e Dala nga lufta e UÇK-së, degët në Prishtinë.
3. Plotësim -ndryshimi i rregullores në Drejtorinë e Arsimit, rritja e pikëve për fëmijët e invalidëve dhe veteranëve të UÇK-së për pranim në çerdhe publike dhe lirimin nga pagesa edhe të fëmijëve të veteranëve.
4. Përparësi në përfitimin e subvencioneve për fëmijët e invalidëve dhe veteranëve për çerdhe private.
5. Përfshirja e invalidëve të UÇK-së në rregulloren e ndërmarrjes “Prishtina Parking” si kategori e liruar nga pagesa e parkimit të veturave.
6. Realizimi i kërkesave të Shoqatës së invalidëve të UÇK-së, dega në Prishtinë për shënimin e datave të rëndësishme të UÇK-së në Komunën e Prishtinës në vlerë prej 1,800 euro.
7. Shënimi i të gjitha datave (aktiviteteve) që ndërlidhen me luftën e UÇK-së në Komunën e Prishtinës .
8. Realizimi i kërkesës së MK Veteranet e UÇK-së.
9. Vendimi për lirimin nga pagesa e biletës së autobusit në “Trafikun Urban” për invalidët e UÇK-së .
10. Vendosja e ashensorit në objektin e kategorive të Dala nga Lufta e UÇK-së, te lagjja “Fusha e Pajtimit”.
11. Realizimi i projekti për rehabilitimin e invalidëve të UÇK-së në banjë në vlerë prej 7 000 eurove.
12. Realizimi (përfundimi) i projektit të Kompleksit Memorial të dëshmorëve dhe martirëve në Marec, në vlerë prej 537,892 euro .
13. Renovimi i objektit në Kompleksin Memorial të varrezave të dëshmorëve dhe martirëve në Marec dhe shndërrimin e këtij objekti në muze .
14. Lirim nga pagesa e anëtarsisë në Federaten e Peshkatarëve Sportiv Rekreativ të Kosovës për familjet e dëshmorëve dhe të zhdukurve të UÇK-së, invalidët e luftës së UÇK-së dhe anëtarët e familjes së ngushtë, veteranët e luftës së UÇK-së dhe anëtarët e familjes së ngushtë.
15. Përfundimi i projektit të Memorialit për Masakrëne Prapashticës të vitit 1921.
16. Ndarja e mirënjohjeve për familjet e heronjve Zahir Pajaziti, Edmond Hoxha dhe Hakif Zejnullahu.
17. Realizimi i projektit për sanimin e Kompleksit Memorial të dëshmorëve dhe martirëve në Makovc.
18. Ligjëratat në shkollat fillore të Komunës së Prishtinës për luftën e UÇK-së, të mbajtura në datat e rëndësishme që lidhen me këtë luftë.
19. Realizimi i projektit – “Gratë e UÇK-së rrëfejnë” projekt ky i cili do të realizohet me disa cikle.
20. Ndarja e mirënjohjeve dhe hyjneshave në fron për pesë gra luftëtare për kontributin, sakrificën në çlirimin e vendit .
21. Ndarja e mirënjohjes dhe hyjneshës në fron për familjen e heroit Ismet H Asllani .
22. Ndarja e mirënjohjes dhe hyjneshës në fron për familjen e dëshmorit Isuf Z Ferizi.
23. Ndarja e 71 mirënjohjeve dhe hyjneshave në fron për familjet e dëshmorëve dhe heronjve të Komunës së Prishtinës në ditën e Dëshmorëve të Kryeqytetit.
24. Vendosja e kamerave të sigurisë në Kompleksin Memorial të dëshmorëve dhe martirëve në Marec.
25. Hapja e pusit për ujë në hapësirën e Kompleksit Memorial të dëshmorëve dhe martirëve në Marec .
26. Realizimi i kërkesës së Organizatës së Veteranëve të UÇK-së dega në Prishtinë në vlerë prej 500-euro për vendosjen e pllakave në shtëpitë bazë të UÇK-së.
27. Realizimi i projektit për renovimin (izolimi ijashtëm, ndrrimi i dritareve, instalimi i pajisjeve për ngrohje/klima, izolimi i kulmeve) në objektet e kategorive të dala nga Lufta e UÇK-së te “Fusha e Pajtimit” dhe në Hajvali.
28. Kontratat e banesave për familjet e heronjve për 99 vite.
29. Vendim për lirimin nga pagesa e transportit publik urban për të gjithë qytetarët për datën 07 gusht 2025 dhe biletës për parking në mbështetje të protestës kundër padrejtësisë që po ndodhë në Gjykatën Speciale.
Vazhdojmë!
