leoni

Task Forca komunale e arsimit në Han të Elezit vlerëson gjendjen aktuale me Covid-19

26/02/2021 Institucionet

Duke reflektuar mbi situatën aktuale me Pandeminë e Koronavirusit në vend dhe shtimit të numrit të të infektuarve, Task Forca komunale për mbikëqyrjen e zhvillimit të procesit mësimorë në kushte të Pandemisë së koronavirusit në Komunën e Hanit të Elezit mbanë takimin e radhës. Takimin e kryesoi nënkryetari i komunës së Hanit të Elezit Mallzum Qajani i cili i njoftoi të pranishmit me gjendjen aktuale lidhur me Pandeminë e Koronavirusit në Komunën e Hanit të Elezit. Sipas nënkryetarit Qajani gjendja mundë të vlerësohet e mirë pavarësisht disa rasteve sporadike të cilat po menaxhohen në përputhje me rekomandimet e IKSHP-së. Ai tha se aktualisht janë 3 raste pozitive ndërsa janë duke u realizuar edhe testet serologjike në QKMF “Dr.Menduh Kaloshi”. Drejtori i DKA-së Menduh Vlashi tha se mësimi në shkollat e komunës është duke u realizuar ashtu siç ka qenë e planifikuar sipas skenarit A, me pjesëmarrjen e nxënësve në shkolla, por duke respektuar të gjitha rekomandimet e IKSHP-së dhe MASH-it. Gjendjen e mirë në shkolla si dhe zhvillimin me rregull të procesit arsimorë e konfirmuan edhe drejtorët e shkollave që ishin prezent në takim. Ata konfirmuan se janë duke i respektuar të gjitha masat e rekomanduara dhe se fatmirësisht nuk kemi as një rast të raportuar me Koronavirus. Sipas drejtorëve, duke reflektuar për situatën aktuale janë shtuar edhe masat preventive në pastrimin dhe dezinfektimin e objekteve shkollore.

Kontrolloni gjithashtu

Kryetari Haliti i nderon me mirënjohje të pensionuarit Agush Hasani dhe Samet Zuka

Kryetari i komunës së Vitisë, Sokol Haliti, së bashku me drejtoreshën e Arsimit në Viti, …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara