Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Negociata të vështira, por të mundshme për një marrëveshje të qëndrueshme i ka quajtur bisedat Kosovë Serbi, shefja për politikë të jashtme e Bashkimit Evropian, Federica Mogherini e cila ka mbërritur në Vjenë, ku ajo do të kryesojë një takim joformal dyditor, me ministrat e Punëve të Jashtme të shteteve anëtare të Bashkimit Evropian, që pritet të fillojë sot. “Unë do të kem një sesion të ri të dialogut me të dy presidentët, atë të Serbisë, Aleksandar Vuçiq, dhe atë të Kosovës, Hashim Thaçi, në Bruksel, të premten e javës së ardhshme, më 7 shtator”, është shprehur Mogherini. “Ne do të vazhdojmë me bisedime të vështira, por, siç kam thënë, të mundura, për një marrëveshje obliguese ligjore”, ka thënë shefja për politikë të jashtme e BE’së. Ajo i ka thënë këto deklarata pas bisedimeve me kryetarin e Austrisë, Alexander van der Bellen, bën të ditur Shërbimi Evropian për Veprim të Jashtëm.
