Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Kryetari Hashim Thaçi ka vazhduar edhe sot të flas për idenë e bashkimit të komunave shqiptare të mbetura ende nën Serbi, Preshavës, Medvegjës dhe Bujanovcit me Kosovën pa u cenuar asnjë centimetër e territorit të Kosovës. “Misioni ynë vetëm me lirinë dhe pavarësinë e Kosovës është i pamjaftueshëm. Ne jemi ndarë padrejtësisht dhe duhet të bashkohemi sipas vullnetit tonë. Ka ardhur momenti që të punojmë mençur dhe të kemi lëvizje të lirë të njerëzve dhe të mallrave pa pikën kufitare mes Kosovës dhe Shqipërisë dhe nën ombrellën ndërkombëtare. Shekulli i kaluar ka qenë i luftës për çlirim, ky shekull do të jetë shekull i bashkimit” ka theksuar në mes tjerash kryetari, Hashim Thaçi. Ai këto deklarata i bëri me rastin e nderimit të tij me titullin “Qytetar Nderi” nga Bashkia e Hasit.
