Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Pak orë para fillimit protestës së opozitës në Tiranë kundër qeverisë Rama, prania e OSBE-së në Shqipëri ka lëshuar një komunikatë për medie në të cilën thuhet se dhuna në protesta është e papranueshme dhe se trazirat nuk mund të zëvendësojnë angazhimin politik demokratik. Duke risjellë në vëmendje dënimin në grup të përfaqësuesve të OSBE të dhunës së përdorur më 11 maj, në deklaratë nënvizohet se koktejet e molotovit, hedhja e gurëve dhe e shashkave janë të paligjshme; reagimi i tepruar i forcave të rendit nuk mund të pranohet. I nxitim pjesëmarrësit dhe drejtuesit e protestës së sotme të jenë të përmbajtur. “Përmendja e derdhjes së gjakut, pak ditë përpara një proteste publike, është e papërputhshme me demokracinë moderne dhe me protestat demokratike, thuhet në mes tjerash në deklaratën e OSBE-së.
