Thaçi dhe Haradinaj

Thellohen mosmarrëveshjet mes kryetarit Hashim Thaçi e kryeministrit, Ramush Haradinaj

Kryetari, Hashim Thaçi e ka dërguar në Kushtetuese kryeministrin e Kosovë, Ramush Haradinaj, lidhur me vendimet e Qeverisë që pronat e paluajtshme të Kosovës të barten në pronësi të komunave duke i tërhequr nga procesi i privatizimit. Kryetari pretendon se kryeministri me këtë vendim e ka shkelur Kushtetutën dhe ka rrezikuar sigurinë kombëtare. Këtë vendim ai  e ka quajtur si nisje të zbatimit të asociacionit të komunave me shumicë serbe me kompetenca ekzekutive. Prandaj, në kërkesën e tij drejtuar kushtetueses, ai ka kërkuar interpretim të neneve 92 paragrafi 4 dhe 93 paragrafi 4 të Kushtetutës, që të qartësohen këto dispozita kushtetuese lidhur me atë se a ka të drejtë Qeveria që pronat e paluajtshme të Kosovës t’ua bartë në shfrytëzim komunave me vendime, kur Kosova nuk ka ligj për prona publike. Në përkrahje të kësaj nisme të Thaçit është edhe kryetari i Kuvendit Kadri Veseli, i cili  i ka kujtuar Haradinajt se koalicioni do të qëndrojë aq sa do të mbrojnë interesat e qytetarëve. Ai ka thënë se çdo vendim i Kushtetueses në këtë rast do të zbatohet.

Kontrolloni gjithashtu

Bajraktari: Për një periudhë tejet të gjatë kohore krimet e luftës kanë qenë kompetence e autoriteteve ndërkombëtare

Avokati Ardian Bajraktari ka vlerësuar se trajtimi i krimeve të luftës në përgjithësi dhe atyre …