Filloi hapja e rrugës Astrazup-Burim

04/12/2018 Institucionet

Në kuadër të rregullimit dhe ndërtimit të infrastrukturës rrugore në Komunën e Malishevës, këto ditë ka filluar ndërtimi i rrugës Astrazup – Burim, e cila ka rëndësi të madhe për banorët e këtyre dy fshatrave dhe fshatrave tjerë, pasi e shkurton rrugën për disa kilometra, pasi këto dy fshatra nuk kanë largësi të madhe mes vete. Punimet në këtë rrugë, i ka parë nga afër edhe Kryetari i Komunës së Malishevës, Ragip Begaj, i cili është takuar edhe me banorët që jetojnë përgjatë kësaj rruge, me të cilët ka biseduar për këtë investim, si dhe i ka uruar ata për ndërtimin e rrugës së re. Rruga Astrazup-Burim, ka një gjatësi prej 1350 metrave dhe përveç lidhjes së këtyre fshatrave dhe fshatrave tjerë, ka rëndësi të madhe për këtë pjesë, pasi banorët shumë më të lehtë do ta kenë qarkullimin. Momentalisht është duke u bërë hapja dhe zgjerimi i rrugës, e më pas do të rregullohet baza e saj dhe në fund asfaltimi. Kjo rrugë lidhet edhe me magjistralen Malishevë-Rahovec.

Kontrolloni gjithashtu

U mbajt takimi përmbyllës i dëgjimeve buxhetore publike për hartimin e buxhetit komunal për vitin 2027.

Në sallën e Kuvendit Komunal të Skenderajt, të premtën me 4 shtator 2026 u mbajt …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara