Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Tirana, kryeqyteti i Shqipërisë, në manifestimin e Ditës Arbëreshe, ka mirëpritur shqiptarë nga e gjithë bota, ndër të cilët figura të njohura të komunitetit arbëresh, studiues, historianë, në një seri aktivitetesh të zhvilluara në vigjilje të Samitit të Tretë të Diasporës. Kryeministri Edi Rama ka publikuar në rrjetet sociale fotoalbumin, e takimit të madh mes shqiptarëve, kushtuar posaçërisht thesarit të paçmueshëm të arbëreshëve. Kryeministri Rama u shpreh se edicioni i tretë i Samitit të Diasporës vijon edhe sot me të ftuarit e nderit nga krejt trojet shqiptare. Gjatë ditës paraprake u organizuan panele me tema të ndryshme, që shërbyen si pikë takimi për të diskutuar mbi kontributin mbarëshqiptar në fushën e arsimit, shëndetësisë, biznesit, artit dhe kulturës. Në mënyrë të veçantë, Arbëreshet vijojnë të kontribuojnë në zhvillimet e vendit tonë, me po të njëjtin përkushtim me të cilin kontribuojnë në zhvillimet e vendit ku jetojnë dhe punojnë, duke u shfaqur vazhdimisht si promovues dhe përforcues të marrëdhënieve mes dy popujve.
