Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministri i Mbrojtjes i Shqipërisë, Ermal Nufi, gjatë një vizite zyrtare në Kroacia, ka zhvilluar takim me homologun e tij Ivan Anushiç, ku në fokus ishte edhe deklarata trepalëshe për bashkëpunim në mbrojtje mes Shqipëria, Kosova dhe Kroacisë. Në konferencën e përbashkët për media, Nufi theksoi se si vende anëtare të NATO, Shqipëria dhe Kroacia do të harmonizojnë çdo veprim me Aleancën, por la të hapur mundësinë e veprimeve shtetërore në mbështetje të Kosovës. “Do të jemi në përputhje me NATO-n, por kjo nuk do të thotë që si shtet nuk do të ndërmarrim hapa në mbrojtje të Kosovës”, deklaroi ai, duke nënvizuar se siguria rajonale mbetet interes i përbashkët. Nga ana tjetër, ministri kroat Ivan Anushiç u përpoq të ulë tensionet, duke sqaruar se dokumenti i nënshkruar nuk përbën aleancë ushtarake. “Kjo është një deklaratë bashkëpunimi teknik – shkëmbim përvojash dhe njohurish, jo marrëveshje për operacione ushtarake”, tha ai, duke rikujtuar edhe ekzistencën e marrëveshjeve të mëhershme të Kroacisë me Serbia. Deklaratat vijnë në një klimë të ndjeshme rajonale, pasi Serbia ka reaguar vazhdimisht ndaj këtij bashkëpunimi, duke e cilësuar si një “aleancë kundër saj” pretendim që është hedhur poshtë nga Tirana, Prishtina dhe Zagrebi. Megjithatë, tonet e kujdesshme nga të dy ministrat tregojnë për një balancim diplomatik: nga njëra anë konfirmohet mbështetja për Kosovën, ndërsa nga ana tjetër shmanget çdo interpretim për krijimin e një blloku ushtarak në rajon.
