Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Shefi i Zyrës së Bashkimit Evropian në Kosovë, Tomas Sunjog, ka deklaruar se marrëveshja që është derivat i propozimit franko-gjerman e për të cilën Kosova dhe Serbia u dakorduan të hënën e 27 shkurtit, do të sjellë rezultate të prekshme si për të dyja vendet, ashtu edhe për rajonin dhe Evropën. Komentet dhe kritikat aktuale për këtë marrëveshje, janë ende të parakohshme, pasi procesi i negociatave po vazhdon. Vura re disa nga komentet. Por përsëri, nga këndvështrimi im, ato komente janë të parakohshme, sepse ne jemi ende në proces negociatash. Duke komentuar çështjen e Asociacionit të Komunave me Shumicë Serbe, Sunjog ka thënë se i njëjti është një obligim ndërkombëtar i Kosovës, i cili duhet zbatuar sa më shpejt. Edhe te marrëveshja e arritur të hënën, ka një kërkesë specifike për zbatimin e të gjitha marrëveshjeve të mëparshme. Dhe unë mendoj se ne jemi shumë të qartë për këtë. Sunyogu është shprehur i shqetësuar për vakumin e sigurisë së krijuar në veri të Kosovës pas largimit të serbëve si nga institucionet e nivelit qendror, ashtu edhe nga ato komunal, duke përshirë Policinë, Gjyqësorin, Prokurorinë e Doganën.
