TRYEZË SHKENCORE PËR FESTIVALIN FOLKLORIK “ANADRINIA JEHON”

10/05/2019 Institucionet

Tryeza shkencore “Anadrinia jehon”e cila do të mbahet me 11 maj 2019, i dedikohet punës së palodhshme dhe të vendosur të organizatorëve të kësaj ngjarjeje të rëndësishme kulturore në komunën e Rahovecit. Duke qenë se festivali “Anadrinia jehon” ka mbledhur për vite me radhë artdashës, kultivues të kulturës dhe traditës kombëtare shqiptare nga të gjitha trojet etnike, në skenën e këtij Festivali janë shpalosur vlerat e folklorit të zonave të ndryshme shqiptare. Natyrisht se numri i madh i artistëve popullor ka tërhequr edhe numër të madh të shikuesve, të cilët me shumë dashamirësi i kanë duartrokitur dhe përshëndetur. Gjatë kësaj periudhe është bërë një punë e madhe në ruajtjen dhe kultivimin e vlerave të trashëgimisë tonë kulturore dhe kjo ka tërhequr vëmendjen e shumë njohësve të fushës së folklorit. prandaj, organizimi i një tryeze shkencore, ku do të prezantoheshin me kumtesa njohës dhe studiues të artit popullor, do të jetë kontribut shtesë për kulturën tonë kombëtare. Temat bosht është Roli i festivalit të folklorit “Anadrinia jehon” në ruajtjen dhe kultivimin e vlerave kombëtare. Program i tryezës shkencore ,,Anadrinia jehon”. Paneli drejtues: Prof. dr. Sabahajdin Cena, Prof. dr. Leontina Gega, Ukë Xhemaj

Kumtesat:

– Prof. dr. Sabahajdin Cena: Lahutarët dhe rapsodët e Rahovecit në udhëpërshkrimet e Matija Murkos

– Ermir Dizdari, Festivali ,,Anadrinia jehon” pjesë e rëndësishme e festivaleve folklorike mbarëshqiptare.

– Prof. dr. Leontina Gega- Musa, shefe e degës së folklorit në Institutin Albanologjik në Prishtinë, studiuese e pasionuar e kulturës popullore shqiptare, vjen me temën: Folklori dhe shfaqja e tij skenike në festivalet folklorike

– Prof. Ukë Xhemaj: Rëndësia e festivalit ,,Anadrinia jehon” në ruajtjen dhe ringjalljen e vlerave etnokulturore shqiptare.

Sesioni II 12:15 – 13:15

Paneli drejtues: Prof. dr. Ledia Dushi, Prof. mr. Bedri Zyberaj, Dilaver Kryeziu

Kumtesat:

– Prof. dr. Ledia Dushi: Vajtimi ritual, rite e trajta.

– Dilaver Kryeziu, etnokoreograf: Anadrinia si krahinë e vallëzimit popullor shqiptar.

– Prof. Mr. Bedri Zyberaj:  Anadrinia në kujtesën folklorike.

– Sami Piraj – Kritik i Muzikës: Veçantitë dhe të përbashkëtat e festivaleve të folklorit te ne.

Kontrolloni gjithashtu

Komiteti për Familjet e Dëshmorëve, Invalidëve dhe Veteranëve të UÇK-së  dhe Martirëve të luftës në komunën e Malishevës mbajti mbledhjen e tretë të rregullt

Komiteti për Familjet e Dëshmorëve, Invalidëve dhe Veteranëve të UÇK-së  dhe Martirëve të luftës në …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara