Pensionohen tre punëtor të administratës komunale në Malishevë

10/05/2019 Institucionet

Në sallën e Kuvendit të Komunës së Malishevës, organizuar nga SPAK (Sindikata e Punëtorëve të Administratës Komunale), është mbajtur një ceremoni për pensionimin e tre zyrtarëve komunal, Xhafer Binishit, Ragip Thaçit dhe Haki Hotit. Krahas punëtorëve të administratës komunale dhe kreut të SPAK në Malishevë, Jakup Zulfaj dhe kryesisë, i pranishëm ishte edhe kryetari i Komunës së Malishevës, Ragip Begaj dhe drejtorët e drejtorive, ndërsa punëtorët e pensionuar, i kanë falënderuar për punën dhe angazhimin e tyre, deri në pensionim. Fillimisht, kryetari i SPAK në Malishevë, Jakup Zulfja, ka folur për punën dhe angazhimin e deritanishëm të tre punëtorëve, të cilët janë pensionuar, dhe i ka falënderuar për punën dhe bashkëpunimin në punë, me të gjithë punëtorët. Edhe kryetari i Komunës së Malishevës, Ragip Begaj, ka folur për angazhimin e tre të pensionuarve, si dhe për bashkëpunimin shumëvjeçar me ta. “Është kënaqësi dhe krenari kur dikush pensionohet me nderë dhe e gëzon respektin e të gjithëve”, tha kryetari Begaj, i cili ndau edhe disa kujtime gjatë punës me të pensionuarit. Në emër të tre të pensionuarve, foli Ragip Thaçi, i cili ka falënderuar të gjithë për bashkëpunimin në punë, si dhe për organizimin e kësaj ceremonie të pensionimit. Po ashtu, ai ndau edhe disa kujtime nga fillimi i punës së tij, deri në pensionim. Në fund, SPAK ka ndarë mirënjohje për tre të pensionuarit, ndërsa Kryetari i Komunës, Ragip Begaj, në emër të komunës, ju ka dhënë edhe nga një dhuratë simbolike, në shenjë respekti për punën e bërë në administratën komunale.

Kontrolloni gjithashtu

Fillojnë vizitat sistematike të nxënësve të klasave të para dhe pesta të shkollave të komunës së Rahovecit 

Fillojnë vizitat sistematike të nxënësve të klasave të para dhe pesta të shkollave të komunës …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara