U mbajt mbledhja javore e ekzekutivit komunal në Kaçanik 

12/02/2018 Institucionet

Kryetari i Komunës së Kaçanikut Besim Ilazi, ka zhvilluar mbledhjen javore me drejtorët e drejtorive komunale, ndërsa prezantoi edhe nënkryetari Ylber Bajra. Në takim u diskutuan një varg temash me rëndësi për qytetarët, ndërsa në veçanti diskutimi ishte tek mirëmbajtja e rrugëve si dhe përgatitjet me rastin e shënimit të përvjetorit të dhjetë të pavarësisë së Kosovës. Drejtoria e Shërbimeve Publike njoftoi se gjatë tërë javës është punuar në hapjen e tombinës së bllokuar nga përroska e Rakocit në bulevardin “Ismajl Raka” dhe është funksionalizuar, ndërsa së shpejti pritet të vihet në funksion për qarkullim edhe rruga në bulevard. Nga ana tjetër, Drejtoria e Arsimit njoftoi se Komuna e Kaçanikut është përfituese në mesin e dhjetë Komunave të Kosovës, ku është vendosur ikona e jubileut të pavarësisë pikërisht në Parkun e Qytetit në Kaçanik si dhe është bërë vendosja e flamujve kombëtarë e shtetëror në pjesë të ndryshme. U bë thirrje që zbukurimet si flamujt apo ikona të mos dëmtohen nga qytetarët e pandërgjegjshëm, sepse po i japin imazh jo të mirë festës së pavarësisë. Përgatitjet janë duke vazhduar në shënimin sa më dinjitoz të kësaj feste madhështore, kurse të gjitha aktivitetet do të organizohen nën përkujdesjen e kryetarit Besim Ilazi.

Kontrolloni gjithashtu

Kuvendi Komunal i Vitisë mbajti mbledhjen e katër të rregullt

Kuvendi Komunal i Vitisë ka mbajtur sot mbledhjen e katërt të rregullt. Me këtë rast …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara