Ministri i Infrastrukturës Pal Lekaj, ka pritur në një takim ekipin koordinues të Malit të Zi

28/06/2018 Institucionet

Ministri i Infrastrukturës Pal Lekaj, ka pritur në një takim ekipin koordinues të Malit të Zi për hartimin e Marrëveshjes Bilaterale për Transport Ndërkombëtar të Mallrave dhe Njerëzve, e udhëhequr nga zëvendësministri i Transportit dhe Çështjeve Detare, Dalibor Milosevic. Ministri Lekaj, duke i falënderuar anëtarët e delegacionit nga Mali i Zi, tha se edhe heqja e taksës së sigurimit kufitar mes dy vendeve duhet të ndodhë, ngase kjo i shërben qarkullimit të lirë dhe pa vonesa të mallrave dhe qytetarëve të të dyja vendeve. Pas takimit, udhëheqësit e dy delegacioneve, zëvendësministri Rexhep Kadriu në njërën anë dhe zëvendësministri Dalibor Milosevic në anën tjetër nënshkruan, dokument-marrëveshjen e cila i paraprinë nënshkrimit të Marrëveshjes Bilaterale për Transport Ndërkombëtar të Mallrave dhe Njerëzve, mes Republikës së Kosovës dhe Republikës së Malit të Zi. Ky dokument, u nënshkrua pas punës dy ditore të dy grupeve koordinuese të të dyja vendeve, të cilat kanë harmonizuar dokumentacionin bazë për nënshkrimin e marrëveshjes bilaterale mes dy vendeve, e që do të ndodhë gjatë muajit korrik të këtij viti, e cila ka për qëllim largimin e barrierave për Transport Ndërkombëtar të Mallrave dhe Njerëzve mes dy vendeve nënshkruese. Bashkëpunimi i të dyja vendeve dëshmon edhe një herë marrëdhëniet e mira të miqësisë mes vendit tonë dhe Malit të Zi, si vende mike dhe të gatshme që njëra-tjetrën ta trajtojnë si partnere me rëndësi strategjike në rrugëtimet euro-atlantike të dy vendeve tona.

Kontrolloni gjithashtu

Nënshkruhet Memorandum i Mirëkuptimit në mes të Komunës së Vitisë dhe organizatës “CNVP”

Sot, kryetari i komunës së Vitisë, Sokol Haliti, ka pritur në takim Xhevat Lushin – …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara