U PREZANTUAN VARIANTET E PROJEKTIT IDEOR PËR NYJËN N2/N25-3 NË FERIZAJ

04/12/2018 Institucionet

Zëvendësministri i Infrastrukturës, Rexhep Kadriu, të martën mori pjesë në prezantimin e tri varianteve të projektit ideor për nyjën rrugore N2/N25-3, në Ferizaj që qon në drejtim të Gjilanit. Nga kompania e përzgjedhur për projektim të kësaj nyje, u tha se në të tri variantet janë marrë për bazë tre faktorë, si ai i sigurisë, faktori socio-ekonomik dhe ai i kapacitetit të qarkullimit. Zëvendësministri Kadriu, duke iu drejtuar palëve të interesit në këtë projekt deklaroi se në vazhdimësi ka pasur ngecje dhe vonesa sa i përket këtij projekti, por që ky moment dhe ideimi i tri varianteve janë mundësi e mirë që të gjithë bashkërisht  t’i japin zgjidhje këtij projekti me rendësi, sidomos për Ferizajn.  Kadriu kërkoi nga pjesëmarrësit në këtë prezantim, që të japin kontributin e tyre nëpërmjet komenteve, vërejtjeve dhe sugjerimeve profesionale, sipas ekspertizës dhe kompetencës që kanë. Pas prezantimit të këtyre varianteve të gjitha palët e pranishme dhanë vlerësimet, komentet dhe sugjerimet e tyre për variantet e propozuara, ku u kërkua që ato variante të plotësohen edhe me detaje tjera teknike në mënyrë që kur të përzgjidhet variant më i mirë, të mos ketë pengesa në realizimin e tij në teren.

Kontrolloni gjithashtu

1 maj 1990 – Kuvendi i Pajtimit te “Verrat e Llukës”

34 vite më parë, me 1 maj 1990 u mbajt Kuvendi Gjithëkombëtar i Pajtimit të …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara