leoni

Vazhdojnë takimet me biznese nga përfaqësuesit komunal të Mitrovicës

05/05/2016 Institucionet

Në ditën e dytë të aktivitetit “Ditët e Biznesit” në Komunën e Mitrovicës, kryetari i komunës Agim Bahtiri së bashku me drejtorin e Drejtorisë për Zhvillim Ekonomik dhe Bujqësi, Nasuf Aliu, dhe me bashkëpunëtorë të tjerë kanë vizituar kompanitë: “Euro Commerce SHPK” dhe “Afri Univerzal” në Mitrovicë.

Pronarët e këtyre dy kompanive kanë njoftuar kryetarin Bahtiri për së afërmi me problemet dhe vështirësitë ditore në ushtrimin e veprimtarise se tyre biznesore.

Kryetari Bahtiri u ka ofruar mbështetje këtyre bizneseve dhe njëkohësisht i ka njoftuar me aktivitetin e ndërmarrë nga ana e komunës së Mitrovicës për shpërndarjen e parcelave në parkun industrial dhe së shpejti në parkun e biznesit në fshatin Frashër, si një mundësi e mirë për zhvillim ekonomik, zgjerim të biznesit dhe gjenerim të vendeve të punës.

Drejtori Aliu i ka njoftuar pronarët e këtyre kompanive se komuna e Mitrovicës është duke bërë të pamundurën të krijoj kushte sa më të mira për biznese, prandaj janë nënshkruar kontratat me 7 nga 21 biznese që kanë aplikuar më parë për parcela në “Parkun Industial”

“Ju inkurajojmë të aplikoni edhe ju dhe të bëheni pjesë e këtij projekti në mënyrë që ta zhvilloni biznesin tuaj e po ashtu t’i ndihmoni zhvillimit ekonomik të qytetit dhe hapje të vendeve të reja të punës” shtoi Aliu.

Pronarët e bizneseve ne fjalë ishin falënderues  për vizitën dhe shprehën interesim për krijim e raporteve sa më të mira të bashkëpunimit.

Kontrolloni gjithashtu

Nënshkruhet Memorandum i Mirëkuptimit në mes të Komunës së Vitisë dhe organizatës “CNVP”

Sot, kryetari i komunës së Vitisë, Sokol Haliti, ka pritur në takim Xhevat Lushin – …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara