Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot në fshatin Lladoc të Besianës inaugurohet Kompleksi Memorial “Baza e parë e UÇK-së” për Zonën Operative të Llapit. Në vendin ku është ndërtuar kompleksi është shtëpia e heroit të kombit, Hakif Zejnullahu. Shtëpia e familjes së tij ishte vendi nga ku niseshin për aksione pjesëtarët e parë të Ushtrisë Çlirimtare të Kosovës dhe vendi ku ktheheshin pas përfundimit të aksioneve kundër forcave pushtuese serbe. Gjatë inaugurimit të Kompleksi Memorial “Baza e parë e UÇK-së” do të zbulohen shtatoret e katër dëshmorëve të kombit, Zahir Pajazitit, Hakif Zejnullahut, Edmond Hoxhës dhe Ilir Konushevcit. Inaugurimi i “Bazës së parë të UCK-së” mbahet nën patronatin e kryeministrit të Kosovës, Isa Mustafa. Ndërtimi i kompleksit është bërë me mjete nga buxheti i Shtetit.
