Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i Vetëvendosjes, Hajrullah Çeku ka kërkuar shkarkimin e zëvendëskryeministrit Goran Rakiq, pasi ai gjatë votimit nuk përfilli heshtjen zgjedhore por bëri thirrje për votimin e kandidatit që vije nga Lista Serbe. Deputeti, Hajrullah Çeku theksoi më tutje se shkak të këtij veprimi të Rakiqit, s’mund të ketë as proces demokratik të zgjedhjeve në Mitrovicën e Veriut. “Zëvendës kryeministri Goran Rakiq ka thyer rregullat e heshtjes zgjedhore, duke bërë thirrje të hapur që të votohet subjekti të cilit i përket. Kjo është shkelje e Ligjit për zgjedhjet dhe nga ky moment as vota nuk është e lirë dhe as procesi nuk mund të jetë demokratik në Mitrovicën e Veriut. Ndaj tij duhen inicuar masat e domosdoshme, duke filluar nga shkarkimi i tij”, ka theksuar deputeti nga radhët e Vetëvendosjes, Hajrullah Çeku. Ndërkohë, kandidati i Vetëvendosjes për kryetar komune në Mitrovicën e Veriut, Erden Atiq ka pasur ankesa edhe për kandidatin e Listës Serbe, Milan Radejoviq, për të cilin ka thënë se e ka mohuar shtetin e Kosovës dhe i ka ofenduar qytetarët.
