Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Lëvizja Vetëvendosje ka prezantuar sot sloganin me të cilin do të garojë në zgjedhjet e parakohshme të 28 dhjetorit: “Siguri dhe begati”. Partia e kryeministrit në detyrë synon të vazhdojë mandatin edhe për katër vjet të tjera, duke e bazuar fushatën e saj në mesazhin e qëndrueshmërisë dhe mos kompromisit. Në njoftimin e publikuar, LVV thekson se motoja e tyre përfaqëson angazhimin për forcimin e shtetit, rritjen e mirëqenies dhe mbrojtjen e atyre që kanë më së paku. “Ne punojmë për siguri dhe begati të vendit tonë. Ne nuk do të lëshojmë pe. Mos lëshoni dhe ju pe për Kosovën të begatë e të sigurtë,” thuhet në komunikatën e partisë. Vetëvendosje fton qytetarët brenda dhe jashtë vendit që ta mbështesin këtë vizion, duke e konsideruar stabilitetin institucional, sigurinë dhe zhvillimin ekonomik shtyllat kryesore të mandatit të ardhshëm.
