Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deklaratat e kryeministrit në detyrë Albin Kurti në Shtetet e Bashkuara kanë hapur një stuhi reagimesh. Ish-lideri i Vetëvendosjes, Visar Ymeri, e akuzon Kurtin se me fjalët e tij po shkon aq larg sa t’i paraqesë ShBA-të si përkrahëse të krimit në veri të Kosovës. Ymeri kujton se Kurti u tha studentëve amerikanë se dialogu strategjik është pezulluar për shkak të sundimit të ligjit në veri – duke lënë të kuptohet se Shtetet e Bashkuara po e ndëshkojnë Kosovën pse vendos rend dhe ligj. “Kjo do të thotë se, sipas Kurtit, Amerika po e përkrah krimin në veri. A e kupton ai çka po thotë?”, shkruan Ymeri. Ai shtoi se një Serbi e lidhur me Rusinë është rrezik i drejtpërdrejtë për rajonin, ndërsa Kurti, në vend që të përballet me këtë kërcënim, del kundër aleatit më të madh të Kosovës – Shteteve të Bashkuara. “A është duke folur me vetëdije, apo vetëm improvizon pa menduar?”, pyeti Ymeri me ironi të hidhur.
